4 тамыз күні Yessenov University делегациясы ҚР Ғылым және жоғары білім министрлігі қаржыландыратын ЖТН BR24992964 «Каспий теңізінің Қазақстандық секторында теңіз операцияларының тиімділігін және экологиялық тұрақтылығы дамыту үшін интеграцияланған энергия үнемдеу технологияларын әзірлеу» ғылыми-зерттеу бағдарламасы аясында Zhongshan Institute of Hangchun University of Science and Technology жоғары оқу орнына іссапармен барды
Іссапардың негізгі мақсаты — сутегі энергетикасы саласындағы заманауи технологияларды зерделеу, Қытайлық серіктестермен ғылыми-техникалық ынтымақтастықты орнату және теңіз операцияларының энергия тиімділігін арттыруға бағытталған интеграцияланған тәсілдерді талқылау болды
Zhongshan Institute of Hangchun University of Science and Technology — бұл инженерлік және қолданбалы ғылымдар саласында қарқынды дамып келе жатқан ғылыми-оқу орталықтарының бірі болып табылады. Институт энергетика, автоматтандыру, жасыл технологиялар салаларында ғылыми-зерттеу қызметін жүргізе отырып, халықаралық әріптестікке ерекше мән береді
Сапар аясында сутегі энергетикасы бойынша өзара талқылау ұйымдастырылып, энергетика, нанотехнологиялар бағыттарында зертханалар мен тәжірибелік-өндірістік орталықтар жұмысымен танысу жүргізілді, зерттеу университетінің зияткерлік инфрақұрылымы, өнеркәсіппен ықпалдасу тетіктері зерделенді
Аталған іссапар Yessenov University мен қытайлық ғылыми орталықтар арасындағы ынтымақтастықты нығайтып, тұрақты дамуға бағытталған озық технологияларды бірлесіп әзірлеуге бағытталған маңызды стратегиялық қадам болды
