Yessenov University ғылыми делегациясы BR24992964 жобасы аясында «Каспий теңізінің қазақстандық секторында теңіз операцияларының тиімділігі мен экологиялық тұрақтылығын арттыру мақсатында интеграцияланған энергия үнемдеу технологияларын әзірлеу» тақырыбы бойынша Қытай Халық Республикасының Шанхай қаласындағы ғылыми іссапарға барды
Іссапар барысында делегация Shuangliang Group Co., Ltd. компаниясының өндірістік және ғылыми-зерттеу кешендерінде болды. Аталған компания — энергия тиімділігі, экологиялық технологиялар және жаңартылатын энергия көздері саласында жаһандық деңгейде танылған жетекші өнеркәсіптік холдинг
Делегация құрамындағы зерттеушілер жасыл сутегі өндіру және сақтау бағытындағы соңғы технологиялармен танысып, энергияны қайта пайдалану, абсорбциялық жылу алмасу жүйелері, сондай-ақ сутегі электролизі мен фотоэлектрлік интеграцияланған платформалар бойынша тәжірибе алмасты
