Мақала Батыс Қазақстанның аридті теңіз жағалауы жағдайында жасыл сутегі
өндіру үшін жаңартылатын энергиямен қамтамасыз етілетін теңіз суын кері осмос
(SWRO) жəне электролизді біріктіретін айналымдық су жүйесінің іске асырылуын жəне
архитектурасын қарастырады. Əдіснама технологиялық жəне технико-экономикалық
шешімдерге сыни шолу жасауды, энергиямен жабдықтау конфигурацияларын (күн/жел;
үздіксіз/үзілісті жұмыс) салыстыруды жəне электролизерлерге арналған су дайындау
маршруттарын (тұзсыздандырылған теңіз суы жəне тазартылған шайынды суды қосымша
тазарту) талдауды қамтиды. Зерттеу SWRO мен протоналмастырғыш мембраналы (PEM)
электролизді біріктіру техникалық жүзеге асатынын; қажетті қоректік су сапасы
мембраналық полишинг тізбектері арқылы қамтамасыз етілетінін; желмен қоректенетін
үзілісті режим энергия сақтау сыйымдылықтарына қажеттілікті азайтып, күрделі
шығындарды төмендететінін көрсетеді. Практикалық маңызы – аймақтың су қауіпсіздігін
жəне декарбонизацияны күшейту, сондай-ақ сутегіні экспорттау əлеуеті. Жұмыс
Маңғыстау үшін пилоттық бағыттар мен масштабтау мəселелерін айқындайды.
