5 тамыз күні Yessenov University ғалымдары Қазақстан Республикасы Ғылым және жоғары білім министрлігінің бағдарламалық-нысаналы қаржыландыруы аясында жүзеге асырылып жатқан ИРН BR24992964 нөмірлі «Каспий теңізінің Қазақстандық секторында теңіз операцияларының тиімділігі мен экологиялық тұрақтылығын арттыру мақсатында интеграцияланған энергия үнемдеу технологияларын әзірлеу» атты ғылыми жоба шеңберінде Қытай Халық Республикасының Гуанчжоу қаласында орналасқан Senza компаниясына ғылыми іссапармен барды
Іссапар барысында зерттеуші топ жасыл сутегі өндіру технологияларымен, оның ішінде сутегі генерациялау, сақтау және қолдану жүйелерімен танысты. Бұл компания — сутегі энергиясы саласындағы алдыңғы қатарлы технологияларды әзірлеумен және өндірумен айналысатын жетекші кәсіпорындардың бірі
Зерттеу тобы жоба аясында Yessenov University базасында Жасыл сутегі технологиясы зертханасын құру мақсатында компания инженерлерімен, ғылыми сарапшыларымен кездесіп, қажетті технологиялық шешімдер мен құрал-жабдықтарды талқылады
